මහේන්ද්‍ර සිං දෝණි ක්‍රිකට් පිටියට සමුදෙයි

තමන් ජාත්‍යන්තර ක්‍රිකට් දිවියට සමුදුන් බව ලෝක පූජිත ඉන්දියා ක්‍රිකට් තරුවක් වන හිටපු ක්‍රිකට් නායක  මහේන්ද්‍ර සිං දෝනි නිවේදනය කර තිබෙනවා.

39 හැවිරිදි ඔහු 2004 වර්ෂයේ දී බංගලාදේශ කණ්ඩායමට එරෙහිව පළමු ජාත්‍යන්තර ක්‍රිකට් වරම් ලබා ගත්තා. දෝනි මේ වන විට ටෙස්ට් තරඟ 90ක්, එක්දින තරඟ 350ක්, සහ 20-20 තරඟ 98ක් සඳහා සහභාගී වී තිබෙනවා.

එහිදී ටෙස්ට් ලකුණු 4876ක්, එක්දින ලකුණු 10773ක්, 20-20 තරඟ වලදී ලකුණු 1617ක් ‍රැස් කිරීමට ඔහු සමත් වුණා. එසේම තරඟ 190ක දී ඔහු ලකුණු 4432ක් ‍රැස් කරගෙන තිබෙනවා.