කීට විද්‍යා විදුහලේ විදුහල්පති නජිත් සුමනසේන කියා සිටියේ කන්දකාඩුව, කටකැලියාව හා මින්නේරිය ප්‍රදේශවල ඇති නිරෝධායන මධ්‍යස්ථානවල මැලේරියාව පැතිරී තිබු රටවල සිට පැමිණ ඇති පුද්ගලයින් රුධිර සාම්පල ලබා ගැනීම ආරම්භ කර ඇති බවයි.
මේ වන විට නිරෝධායන මධ්‍යස්ථානය අවට ප්‍රදේශවල මදුරු මර්ධනය සඳහා ක්‍රමවත් වැඩපිළිවෙලක් ආරම්භ කර ඇති බවයි ඔහු කියා සිටියේ.
කීට විද්‍යා විදුහලේ විදුහල්පති වැඩිදුරටත් පෙන්වා දුන්නේ මැලේරියා බෝ කරන පරපෝෂිතයා ලංකාවේ නොසිටියත් විදේශ රටවල සිට පැමිණි පුද්ගලයන්ගේ ශරීරයේ පරපෝෂිත සිටියහොත් එම පරපෝෂිතයා නිරෝගී පුද්ගලයකු වෙත ගෙනයාමේ හැකියාව පවතින මදුරු විශේෂ ලංකාවේ සිටින බැවින් රටේ යළි මැලේරියා රෝගය ව්‍යාප්ත විය හැකිවීම හේතුවෙන් එය මර්ධනයට කටයුතු කළ යුතු බවයි.
