සිය සැමියා වන රාවුෆ් හකීම් සතුව විකිනීමට නියමිතව තිබු මෝටර් රථයක් සඳහා ගනුම්කරුවෙකු විසින් ලබාදුන් රුපියල් ලක්ෂ 60 ක මුදලක් අතුරුදහන් වී ඇති බව අමාත්‍ය රාවුෆ් හකීම් ගේ බිරිඳ විසින් කුරුඳුවත්ත පොලිසියට පැමිණිල්ලක් ඉදිරිපත් කර තිබෙනවා.
අමාත්‍යවරයා රුපියල් ලක්ෂ 60 ක මුදල ලබා ගෙන එම මුදල තමන් අතට ලබා දුන් බවත් එම මුදල බෑගයක දමා සිය නිදන කාමරයේ ඇඳ යටින් දැමු බවත් අමාත්‍යවරයාගේ බිරිඳ පැමිණිල්ලේ සඳහන් කර තිබෙනවා. දින කිහිපයකට පසුව මුදල් දැමු බෑගය ගෙන බැලීමේදී ඒ තුල තිබු රුපියල් ලක්ෂ 60ක මුදල අතුරුදහන්ව තිබු බවත් එම මුදල් තිබු බෑගය කිසිවෙකු විසින් අවුස්සා තිබු අයුරු දකින්නට වූ බවයි අමාත්‍යවරයාගේ බිරිඳ වැඩිදුරත් පවසා ඇත්තේ.
මෙම සිද්ධියෙන් පසු දිනක අමාත්‍යවරයගේ නිවසේ වැසිකිලිය උතුරා යාමෙන් ගලිවල සුද්ද කිරීමේ අවශ්‍යතාවක් මතු වී තිබෙනවා. එම අවස්ථාවේ දී එහි තිබී ඉරීගිය රුපියල් 5000 මුදල් නෝට්ටු දෙකක් හමුවූ බවත් එම නෝට්ටු දෙක ගලිවල ශුද්ධ කිරීමට පැමිණි සේවකයින් රැගෙන ගොස් ඇති බත් අමාත්‍යවරයාගේ බිරිඳ පොලිසියට ප්‍රකාශ කර තිබෙනවා. පළමු වරට ගලිවල ශුද්ධ කිරීමෙන් දින තුනකට පසුව නැවත ගලිවල උතුරා යාම හේතුවෙන් කොළඹ මහ නගර සභාවේ ගලි බවුසරයක් ගෙන්වා ගලි වල ශුද්ධ කිරිමේදී රුපියල් 5000 මුදල් නෝට්ටු කොටස් හමු වූ බවද අමාත්‍යවරයාගේ බිරිඳ පොලිසියට සිය පැමිණිල්ල ඉදිරිපත් කරමින් කියා සිටියා.
