ගුරුවරුන් එකතු වෙලා සිසුවෙකුගේ කන කපලා
වැඩි කොණ්‌ඩය කපන්න ගිහින් වෙච්ච දෙයක්
රිදීමාලියද්දේ ප්‍රසිද්ධ පාසලක සිසුවෙකුගේ ප්‍රමාණයට වඩා තිබූ කොණ්‌ඩය ගුරුවරුන් විසින් පාසල තුළදී කැපීමට ගිය අවස්ථාවකදී එම සිසුවාගේ කණ කැපී තුවාල වී තිබේ. ඉන්පසු පාසල තුළදීම සිසුවාගේ තුවාලයට ප්‍රතිකාර කර ත්‍රිරෝද රථයකින් එම සිසුවාගේ
නිවසට ගෙනගොස් ඇත.
තුවාල ලැබු සිසුවා එම පාසලේ 11 වැනි ශ්‍රේණියේ ඉගෙනුම ලබන දරුවෙකි. විද්‍යාලයේ නියෝජ්‍ය විදුහල්පති හා ගුරුවරු දෙදෙනකු දහවල්ප කාලයේ පන්තියට පැමිණ එම සිසුවාව අල්ලාගෙන බලහත්කාරයෙන් කාමරයකට රැගෙන ගොස්‌ කතුරකින් කොණ්‌ඩය කපන්න උත්සහ කිරීමේදී සිසුවාගේ කොණ්‌ඩය හා කන ද කැපී ඇති බව තුවාල ලැබූ සිසුවා පවසයි.
මෙම සිද්ධිය පිළිබඳ සිසුවාගේ පියා රිදීමාලියද්ද පොලිසිය වෙත පැමිණිලි කර ඇති අතර සිද්ධියට සම්බන්ධ නියෝජ්‍ය විදුහල්පති, ගුරුවරුන් හා ශිෂ්‍යයාගේ දෙමාපියන් පොලිසිය වෙත කැඳවා ඇත.
මින් ඉදිරියට මෙවැනි කරදර පාසලේ අනෙක්‌ දරුවන්ට නොකරන ලෙසත් සිද්ධිය දීර්ඝව ඉදිරියට ගෙන යායුතු නොවන බවත් පියා පොලිසිය ඉදිරියේ පවසා ඇත.
