මුහුදු කොටි ත්‍රිකෝණය එනම් නන්දිකඩාල්, මට්‌ටුවාල්, තෙප්පිලාමඩු, ඉරණමඩු කොටි ගුවන් ධාවන පථය අවට කලාපය සහ උතුරේ මුහුදු කොටි කලාපය වූ මුල්ලිකුලම් යන ප්‍රධාන උපාය මාර්ගික ප්‍රදේශ වලින් හමුදාව ඉවත් කිරීම ද්‍රවිඩ සංධානයේ අරමුණ වී තිබේ.
මේ වන විටත් කොටි ප්‍රධාන පාලන මධ්‍යස්‌ථානයක් වන කිලිනොච්චියේ පිහිටි පරම්පන්ජාන් නගරය ද මන්නාරම නගරය තුලින් හමුදා කඳවුරු ඉවත් කිරීමට රජයට බලපෑම් කර ඇත. මෙයට අමතරව නන්දිකඩාල් ප්‍රදේශයේ පිහිටි වට්‌ටුවාල් නාවික කඳවුර සහ මුලතිව්හි තෙප්පිලාම් හමුදා කඳවුරද ඉන් ඉවත් කරගැනීම ද්‍රවිඩ සංධානයේ අරමුණ වී ඇත.
එමෙන්ම මන්නාරම මුල්ලිකුලම් නාවික කඳවුර එම ස්‌ථානයෙන් ඉවත්කර ගැනීම සඳහා මොවුන් වතිකානුව වෙතින්ද ඉල්ලීමක්‌ කර ඇතැයි ආරංචි මාර්ග හෙළිකර තිබිණ.
